S. Nicolai, episcopi
Die 6 decembris
S. Nicolai, episcopi
Misericordiam tuam, Domine, supplices imploramus, et, beati Nicolai episcopi interveniente suffragio, nos in omnibus custodi periculis, ut via salutis nobis pateat expedita. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Episcopus Myrae in Lycia (nunc in Turcarum regione) mortuus est circa medietatem saeculi IV et in tota Ecclesia honoratur.
Depositio S. Nicolai die 6 decembris in ritibus byzantino et copto celebratur. Eius festum per Occidentem inde a saeculo X diffusum est, maxime post eius reliquiarum translationem Barium, in Italia, anno 1087.
