S. Bonifatii, episcopi et martyris
Die 5 iunii
S. Bonifatii, episcopi et martyris
Memoria
Sanctus martyr, Domine, Bonifatius pro nobis interventor exsistat, ut fidem, quam ore docuit et sanguine consignavit, firmiter teneamus, et operibus profiteamur confidenter. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
In Anglia natus est circa annum 673; monasticam vitam professus in monasterio Exeterensi, anno 719 in Germaniam profectus est ad fidem praedicandam, in quo ministerio magnos collegit fructus. Episcopus consecratus, Ecclesiam Moguntinam (Mainz) rexit, socios sibi adscivit, quorum opera plures fundavit vel instauravit Ecclesias in Bavaria, Thuringia et Franconia, concilia etiam celebrans et leges promulgans. Dum Frisones evangelizabat, ab ethnicis occisus est prope Dokkum, in Hollandia, die 5 iunii anno 754, eiusque corpus in monasterio Fuldensi depositum est.
Eius memoria mox a fidelibus observari coepta est, eiusque festum ascriptum est in Calendario romano anno 1874.
