Beatae Mariae Virginis de Lourdes
Die 11 februarii
Beatae Mariae Virginis de Lourdes
Concede, misericors Deus, fragilitati nostrae praesidium, ut, qui immaculatae Dei Genetricis memoriam agimus, intercessionis eius auxilio, a nostris iniquitatibus resurgamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Anno 1858, a die 11 februarii ad diem 16 iulii, Virgo Maria immaculata per decem et octo vices se manifestavit Bernardae Soubirous, prope Lapurdum in Gallia, intra cavernam «de Massabielle». Per hanc humilem puellam, Maria peccatores vocat ad conversionem, in Ecclesia excitans magnum zelum orationis et caritatis, praesertim ad infirmorum pauperumque servitium.
Memoria harum apparitionum Mariae Immaculatae ascripta est in Calendario romano anno 1907.
