S. Ioannis a Deo, religiosi
Die 8 martii
S. Ioannis a Deo, religiosi
Deus, qui beatum Ioannem misericordiae spiritu perfudisti, da, quaesumus, ut, caritatis opera exercentes, inter electos in regno tuo inveniri mereamur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
In Lusitania natus est anno 1495; post vitam periculorum plenam in militia, meliora exoptans, servitio aegrotorum totum se dedit. Granadae in Hispania valetudinarium fundavit et sibi adscivit socios, qui postea Ordinem Hospitalarium sancti Ioannis a Deo constituerunt. Caritate praecipue erga egenos et infirmos enituit.
S. Ioannes a Deo obiit Granadae, die 8 martii 1550. Canonizatus est anno 1690, eiusque festum ascriptum est in Calendario romano anno 1714.
