S. Vincentii, diaconi et martyris
Die 22 ianuarii
S. Vincentii, diaconi et martyris
Omnipotens sempiterne Deus, tuum in nobis Spiritum clementer infunde, ut corda nostra ea dilectione valida potiantur, per quam sanctus martyr Vincentius omnia corporis tormenta devicit. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Vincentius, diaconus Ecclesiae Caesaraugustanae, in persecutione Diocletiani, Valentiae in Hispania acerbis cruciatibus traditus, martyr occubuit.
Depositio S. Vincentii Valentiae die 22 ianuarii recolitur in Martyrologio hieronymiano et in libris liturgicis hispanis. Cultus S. Vincentii statim per Ecclesiam diffusus est et iam S. Augustini tempore universalis erat.
