S. Vincentii Ferrer, presbyteri
Die 5 aprilis
S. Vincentii Ferrer, presbyteri
Deus, qui beatum Vincentium presbyterum ministrum praedicationis evangelicae suscitasti, praesta, quaesumus, ut, quem venturum iudicem nuntiavit in terris, beati videamus regnantem in caelis. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus est Valentiae, in Hispania, anno 1350; inter Fratres Praedicatores adscitus, theologiam docuit. Munus praedicatoris exercens, multas peragravit regiones, fructusque copiosos collegit in vera fide tuenda et in moribus corrigendis.
S. Vincentius Ferrer obiit Venetiae (Vannes), in Gallia, die 5 aprilis 1419. Canonizatus est anno 1455, eiusque festum ascriptum est in Calendario romano anno 1667.
