S. Aloisii Gonzaga, religiosi
Die 21 iunii
S. Aloisii Gonzaga, religiosi
Memoria
Deus, caelestium auctor donorum, qui in beato Aloisio miram vitae innocentiam cum paenitentia sociasti, eius meritis et intercessione concede, ut, innocentem non secuti, paenitentem imitemur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus est anno 1568 prope Mantuam in Longobardia, ex principibus Castellonis. A matre pie educatus, ad religionem maxime inclinatus apparuit. Aviti principatus iure in fratrem transmisso, Societati Iesu Romae se adiunxit, et dum aegrotis in nosocomiis inserviebat, morbo correptus, mortuus est die 21 iunii anno 1591.
Canonizatus est anno 1726, eiusque festum ascriptum est in Calendario romano anno 1842..
