S. Catharinae Senensis, virginis et Ecclesiae doctoris
Die 29 aprilis
S. Catharinae Senensis,
virginis et Ecclesiae doctoris
Memoria
Deus, qui beatam Catharinam, in contemplatione dominicae passionis et in Ecclesiae tuae servitio, divino amore flagrare fecisti, ipsius intercessione concede, ut populus tuus, Christi mysterio sociatus, in eius gloriae revelatione semper exsultet. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Nata est Senis anno 1347; iam puellula, ad meliora aspirans, sodalibus tertii Ordinis S. Dominici nomen dedit. Amore Dei et proximi flagrans, pacem et concordiam inter civitates firmavit, iura et libertatem Romani Pontificis strenue tuita est, et renovationem vitae religiosae promovit. Opera etiam dictavit sana doctrina et spiritali afflatu referta.
Obiit Romae die 29 aprilis 1380, et die 29 aprilis 1461 canonizata est. Eius commemoratio ascripta est in Calendario romano anno 1597, die 29 aprilis agenda, in festo S. Petri Veronensis; anno 1628 eius festum translatum est in diem sequentem.