S. Elisabeth Hungariae
Die 17 novembris
S. Elisabeth Hungariae
Memoria
Deus, qui beatae Elisabeth tribuisti in pauperibus Christum cognoscere ac venerari, da nobis, eius intercessione, egenis et tribulatis iugi caritate servire. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Anno 1207 ex Andrea, rege Hungariae, nata, adhuc puellula nuptui tradita est Ludovico Lantgravio Thuringiae, cui tres genuit filios. Rerum caelestium meditationi intenta et post viri mortem paupertatem amplexa, valetudinarium erexit in quo ipsa aegrotis inserviebat. Mortua est Marburgi die 17 novembris 1231.
Canonizata est anno 1235, eiusque festum ascriptum est in Calendario Romano anno 1670, die 19 novembris celebrandum, qua die eius corpus tumulatum est.
