S. Pii V, papae
Die 30 aprilis
S. Pii V, papae
Deus, qui in Ecclesia tua beatum Pium papam ad fidem tuendam ac te dignius colendum providus excitasti, da nobis, ipso intercedente, vivida fide ac fructuosa caritate mysteriorum tuorum esse participes. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus est prope Alexandriam, in Italia, anno 1504. Inter Fratres Praedicatores adscriptus, theologiam docuit. Episcopus et cardinalis creatus, ad Petri cathedram evectus est anno 1566. Reformationem Ecclesiae, a concilio Tridentino incoeptam, strenue prosecutus est, propagationem fidei promovit et divinum cultum instauravit.
Obiit Romae die 1 maii 1572. Canonizatus est anno 1712, eiusque festum ascriptum est in Calendario romano anno sequenti (1713), die 5 maii celebrandum.
