Ss. Michaelis, Gabrielis et Raphaelis, archangelorum

 Die 29 septembris

Ss. Michaelis, Gabrielis et Raphaelis,
Archangelorum

Festum

Deus, qui miro ordine Angelorum ministeria hominumque dispensas, concede propitius, ut, a quibus tibi ministrantibus in caelo semper assistitur, ab his in terra vita nostra muniatur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Dedicatio basilicae S. Michaelis via Salaria, saeculo V, recolitur die 29 septembris in Martyrologio hieronymiano. Mentio huius dedicationis nunc tollitur, et S. Michaelis nomini adduntur nomina Ss. Gabrielis et Raphaelis, qui ab anno 1921 celebrabantur respective die 24 martii et 24 octobris.