S. Luciae, virginis et martyris
Die 13 decembris
S. Luciae, virginis et martyris
Memoria
Intercessio nos, quaesumus, Domine, sanctae Luciae virginis et martyris gloriosa confoveat, ut eius natalicia et temporaliter frequentemus, et conspiciamus aeterna. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
S. Lucia in persecutione Diocletiani, probabiliter, Syracusis occubuit. Eius cultus ab antiquitate in totam Ecclesiam diffusus est, eiusque nomen in Canonem romanum introductum est.
Depositio S. Luciae Syracusis, in Sicilia, die 13 decembris in Martyrologio hieronymiano recolitur. Eius festum Romae saeculo VI receptum est.
