S. Hieronymi Emiliani
Die 8 februarii
S. Hieronymi Emiliani
Deus, Pater misericordiarum, qui beatum Hieronymum adiutorem et patrem orphanis providisti, eius nobis intercessione concede, ut spiritum adoptionis, quo filii tui nominamur et sumus, fideliter custodiamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus est Venetiis anno 1486; vitam militarem amplexus, eam postea dimisit, et adiuvandis pauperibus se consecravit, bona etiam propria illis distribuens. Ordinem Clericorum Regularium a Somasca instituit ad pueros orphanos et pauperes sublevandos.
Obiit Somascae, in territorio Bergomensi, die 8 februarii 1537. Canonizatus est anno 1767, eiusque festum ascriptum est in Calendario romano anno 1769, die 20 iulii celebrandum.
