S. Ioannis Baptistae de la Salle, presbyteri
Die 7 aprilis
S. Ioannis Baptistae de la Salle, presbyteri
Memoria
Deus, qui ad christianam iuventutem educandam beatum Ioannem Baptistam elegisti, excita in Ecclesia tua institutores, qui humanae et christianae iuvenum disciplinae toto corde sese devoveant. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus est Rhemis (Reims) in Gallia anno 1651. Sacerdotio initiatus, praecipue educandis pueris totum se dedit, scholas pro pauperibus fundando. Socios adscriptos in Congregationem collegit, pro cuius exsistentia multas sustinuit tribulationes.
S. Ioannes Baptista de la Salle obiit Rothomagi (Rouen), in Gallia, die 7 aprilis 1719. Canonizatus est anno 1900, eiusque festum ascriptum est in Calendario romano anno 1904, die 15 maii celebrandum.
