S. Catharinae Alexandrinae, virginis et martyris
Die 25 novembris
S. Catharinae Alexandrinae, virginis et martyris
Omnipotens sempiterne Deus, qui populo tuo beatam Catharinam virginem et invictam martyrem praestitisti, concede ut, eius intercessione, fide et constantia roboremur et pro Ecclesiae unitate operam tribuamus impense. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Virginem fuisse Alexandrinam et martyrem narratur, ingenii acumine et sapientia non minus quam animi robore refertam. Eius corpus in celebri coenobio in monte Sinai pia colitur veneratione.
