S. Bedae Venerabilis, presbyteri et Ecclesiae doctoris

Die 25 maii

S. Bedae Venerabilis,
presbyteri et Ecclesiae doctoris

Deus, qui Ecclesiam tuam beati Bedae presbyteri eruditione clarificas, famulis tuis concede propitius, et eius semper illustrari sapientia, et meritis adiuvari. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Natus est in territorio monasterii Wiremuthensis (Wearmouth) anno 673; a sancto Benedicto Biscop educatus, monasterio nomen dedit et, sacerdotio initiatus, docens et scribens ministerium implevit. Opera theologica et historica composuit, traditionem Patrum secutus et sanctam Scripturam explicans.

Obiit Girvi, in Anglia, die 25 maii 735. Eius festum ascriptum est in Calendario romano anno 1899, die 27 maii celebrandum.