S. Clarae, virginis

  Die 11 augusti

S. Clarae, virginis

Memoria

Deus, qui beatam Claram ad paupertatis amorem misericorditer adduxisti, eius nobis intercessione concede, ut, in paupertate spiritus Christum sequentes, ad tui contemplationem in caelesti regno pervenire mereamur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Assisii nata est anno 1193; civem Franciscum secuta in via paupertatis, mater exstitit et fundatrix Ordinis monialium. Vitam egit asperam, sed operibus caritatis et pietatis locupletem.

S. Clara obiit Assisii die 11 augusti 1253. Canonizata est anno 1255, eiusque festum statim ascriptum est in Calendario romano die 12 augusti celebrandum.