Ss. Marcellini et Petri, martyrum

Die 2 iunii

Ss. Marcellini et Petri, martyrum

Deus, qui nos sanctorum martyrum Marcellini et Petri confessione gloriosa circumdas et protegis, praesta nobis ex eorum imitatione proficere, et oratione fulciri. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Eorum martyrium, in persecutione Diocletiani susceptum, testatur Damasus papa, qui rem ab ipso carnifice hausit. Capite plexi sunt in quodam nemore, sed eorum corpora translata et sepulta fuere in coemeterioAd duos lauros via Labicana, ubi super eorum sepulcrum basilica erecta est post pacem ab Ecclesia adeptam.

Depositio Ss. Marcellini et Petri (circa annum 304) die 2 iunii recolitur in Martyrologio hieronymiano.