S. Margaritae Scotiae
Die 16 novembris
S. Margaritae Scotiae
Deus, qui beatam Margaritam eximia in pauperes caritate mirabilem efficisti, da ut, eius intercessione et exemplo, imaginem bonitatis tuae inter homines referamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
In Hungaria nata est circa annum 1046, dum pater ibi, exsilio mulctatus, degebat. Malcom III, Scotorum regi, nuptui tradita est, cui octo peperit filios. Exemplum exstitit optimae matris et reginae. Obiit Edimburgi die 16 novembris 1093 et tumulata est in Dunfermline.
Die 19 iunii 1250 facta est elevatio eius corporis. Festum S. Margaritae ascriptum est in Calendario romano anno 1673, die 10 iunii celebrandum.
