In Transfiguratione Domini
Die 6 augusti
In Transfiguratione Domini
Festum
Deus, qui fidei sacramenta in Unigeniti tui gloriosa Transfiguratione patrum testimonio roborasti, et adoptionem filiorum perfectam mirabiliter praesignasti, concede nobis famulis tuis, ut, ipsius dilecti Filii tui vocem audientes, eiusdem coheredes effici mereamur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Transfiguratio Domini celebratur die 6 augusti in ritibus syro, tum occidentali tum orientali, byzantino et copto, dominica vero sequenti in ritu armeno. Festum in Occidente divulgatum est saeculo XI et ascriptum est in Calendario romano anno 1457.
