Sollemnitas Sanctae Dei Genetricis Mariae

Die 1 ianuarii

 

In octava Nativitatis Domini

SOLLEMNITAS
SANCTAE DEI GENETRICIS MARIAE

 

Deus, qui salutis aeternae, beatae Maria virginitate fecunda, humano generi praemia praestitisti, tribue, quaesumus, ut ipsam pro nobis intercedere sentiamus, per quam meruimus Filium tuum auctorem vitae suscipere. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

 

Ab antiquissimis temporibus Beata Virgo sub titulo «Deiparae» colitur (Const. Lumen gentium, art. 66). Cuius tituli omnes Ecclesiae memoriam faciunt quotidie in suis Precibus eucharisticis et per circulum anni praecipue in sollemnitatibus Nativitatis Domini.

In Officio Romano diei primae ianuarii, quam antiquiora exemplaria Antiphonalis Missarum «Natale S. Mariae» appellant (saec. VIII), non paucae usque adhuc inveniuntur orationes, antiphonae et responsoria, in quibus divina Maternitas B.M.V. glorificatur.

Haec memoria S. Dei Genetricis Mariae die 26 decembris celebratur in ritibus byzantino et syro, tum orientali tum occidentali, et die 16 ianuarii in ritu copto.

 

Читайте также:

Добавить комментарий

Ваш e-mail не будет опубликован. Обязательные поля помечены *