S. Monicae

 Die 27 augusti

S. Monicae

Memoria

Deus, maerentium consolator, qui beatae Monicae pias lacrimas in conversione filii sui Augustini misericorditer suscepisti, da nobis, utriusque interventu, peccata nostra deplorare, et gratiae tuae indulgentiam invenire. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Nata est Tagaste in Africa anno 331 ex familia christiana. Adhuc adulescentula Patricio nuptui tradita, filios generavit inter quos Augustinum, pro cuius conversione multas lacrimas et preces fudit ad Deum. Exemplar optimae matris, fidem oratione aluit et virtutibus illustravit. Mortua est Ostiae anno 387.

Saeculo XV Eremitae Ordinis S. Augustini recensebant die 5 maii conversionem S. Augustini. Elegerunt deinde pridie huius diei, i. e. diem 4 maii, ad memoriam agendam S. Monicae, cuius dies natalis ignoratur. Festum vero S. Monicae ascriptum est in Calendario romano circa annum 1550, eadem die celebrandum.