S. Alberti Magni, episcopi et Ecclesiae doctoris

Die 15 novembris

S. Alberti Magni,
episcopi et Ecclesiae doctoris

Deus, qui beatum Albertum episcopum in humana sapientia cum divina fide componenenda magnum effecisti, da nobis, quaesumus, ita eius magisterii inhaerere doctrinis, ut per scientiarum progressus ad profundiorem tui cognitionem et amorem perveniamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Lauingiae (Lauingen) ad Danubium in Germania natus est circa annum 1206; Patavii et Lutetiae Parisiorum studiis incubuit. Inter Fratres Praedicatores adlectus, munere docendi plurimis in locis optime functus est. Ratisbonensis episcopus ordinatus, assidue nisus est pacem inter populos civitatesque firmare. Multa praeclare scripsit ad doctrinae sacrae et naturalis emolumentum. Obiit Coloniae die 15 novembris 1280.

Canonizatus est anno 1931, eiusque festum ascriptum est in Calendario Romano anno sequenti (1932).