S. Bartholomaei, apostoli
Die 24 augusti
S. Bartholomaei, apostoli
Festum
Robora in nobis, Domine, fidem, qua Filio tuo beatus Bartholomaeus apostolus sincero animo adhaesit, et praesta, ut, ipso deprecante, Ecclesia tua cunctis gentibus salutis fiat sacramentum. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus est Canae; ab apostolo Philippo ad Iesum ductus est. Post Ascensionem Domini traditur Evangelium in India praedicasse ibique martyrio coronatum esse.
In ritu byzantino celebratur die 25 augusti memoria translationis corporis S. Bartholomei. Calendaria medii aevi inde a saeculo IX festum S. Bartholomei recensent tum die 24 tum die 25 augusti. Inde ab anno 1568 festum ascribitur in Calendario romano die 24 augusti.
