In Nativitate S. Ioannis Baptistae
Die 24 iunii
In Nativitate S. Ioannis Baptistae
Sollemnitas
Ad Missam in Vigilia:
Praesta, quaesumus, omnipotens Deus, ut familia tua per viam salutis incedat, et, beati ioannis Praecursoris hortamenta sectando, ad eum quem praedixerat, secura perveniat, Dominum nostrum iesum Christum. Qui tecum vivit et regnat in unitate Spiritus Sancti, Deus, per omnia saecula saeculorum.
Ad Missam in die:
Deus, qui beatum Ioannem Baptistam suscitasti, ut perfectam plebem Christo Domino praepararet, da populis tuis spiritalium gratiam gaudiorum, et omnium fidelium mentes dirige in viam salutis et pacis. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Sollemnitas Nativitatis S. Ioannis Baptistae die 24 iunii iam tempore S. Augustini tamquam traditionalis habebatur.