S. Ludovici Mariae Grignion de Montfort, presbyteri
Die 28 aprilis
S. Ludovici Mariae Grignion de Montfort, presbyteri
Deus, qui gressus beati Ludovici Mariae, presbyteri, in viam salutis et dilectionis Chrisiti, beata Virgine comitante, dirigere voluisti, da ut, eius exemplo, tui amoris mysteria meditantes Ecclesiam tuam aedificare indefesse studeamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Vel:
Omnipotens aeterne Deus, qui sanctum Ludovicum Mariam presbyterum plenae Christo Filio tuo deditionis per eius beatae Matris manus eximium testem et magistrum effecisti, concede nobis, ut, eandem spiritalem viam sectantes, regnum tuum iugiter extendere valeamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus in vico Montfort in Britannia Minore et Parisiis sacerdotio initiatus, Ludovicus Maria Gringion, a Clemente Papa Undecimo missionarius apostolicus renuntiatus, partes Galliae occidentalis peragravit, evangelizando mysterium Sapientiae aeternae, Christum incarnatum et crucifixum, viam sanctitatis ad Iesum per Mariam docendo, operi suo consocians presbyteros, fratres et, una cum beata Maria Ludovica Trichet, sorores. In civitate Saint-Laurent-sur-Sèvre, dioecesis Lucionensis, die 28 aprilis 1716 obiit, plurima relinquens scripta, praesertim de mariali spiritualitate.
Canonizatus est anno 1947, eiusque festum ascriptum est in Calendario romano anno 1997.
