S. Augustini, episcopi et Ecclesiae doctoris
Die 28 augusti
S. Augustini,
episcopi et Ecclesiae doctoris
Memoria
Innova, quaesumus, Domine, in Ecclesia tua spiritum, quo beatum Augustinum episcopum imbuisti, ut, eodem nos repleti, te solum verae fontem sapientiae sitiamus, et superni amoris quaeramus auctorem. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus est Tagaste in Africa anno 354; adulescentiam doctrinis et moribus inquietam transegit, donec Mediolani, ad fidem conversus, anno 387 ab episcopo Ambrosio baptizatus est. In patriam reversus vitam asceticam professus est, et episcopus Hipponensis electus, per triginta quattuor annos forma gregis factus, illum erudivit sermonibus et scriptis copiosis, quibus etiam strenue contra errores sui temporis dimicavit vel fidem erudite illustravit. Mortuus est anno 430.
Depositionem S. Augustini Hippone Regio, in Africa septentrionali, die 28 augusti 430 testatur Victorinus Vitensis, exeunte saeculo V. Festum S. Augustini celebratur Romae eadem die, saltem a saeculo VIII.
