S. Augustini Cantuarensis, episcopi
Die 27 maii
S. Augustini Cantuarensis, episcopi
Deus, qui beati Augustini episcopi praedicatione Anglorum gentes ad Evangelium perduxisti, tribue, quaesumus, ut eius laborum fructus in Ecclesia tua perenni fecunditate persistant. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
E monasterio S. Andreae in Urbe anno 597 in Angliam missus est a sancto Gregorio Magno ad Evangelium praedicandum. A rege Ethelberto adiutus et episcopus Cantuarensis factus, multos ad fidem convertit et nonnullas constituit Ecclesias, praesertim in regno Cantiae.
Depositio S. Augustini Cantuariae, in Anglia, die 26 maii 604 vel 605 ab antiquioribus manuscriptis Martyrologii hieronymiani (saec. VIII) recolitur. Eius festum ascriptum est in Calendario romano anno 1882, die 28 maii celebrandum.
