S. Fidelis de Sigmaringen, presbyteri et martyris

Die 24 aprilis

S. Fidelis de Sigmaringen, presbyteri et martyris

 

Deus, qui beatum Fidelem, amore tuo succensum, in fidei propagatione martyrii palma decorare dignatus es, ipso interveniente, concede, ut, in caritate fundati, cum illo resurrectionis Christi virtutem cognoscere mereamur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

 

Natus est in oppido Sigmaringen, in Germania, anno 1578; inter Fratres Minores Capuccinos adscriptus, vitam duxit vigiliis et orationibus asperam. In praedicatione verbi Dei assiduus, iussus a S. Congregatione de Propaganda Fide ut rectam doctrinam in Raetia firmaret. Anno tamen 1622 ab haereticis ad necem petitus Sevisii (Seewis), in Helvetia, martyr occubuit die 24 aprilis.

Canonizatus est anno 1746, eiusque festum ascriptum est in Calendario romano anno 1771.

 

Читайте также:

Добавить комментарий

Ваш e-mail не будет опубликован. Обязательные поля помечены *