S. Polycarpi, episcopi et martyris

Die 23 februarii

S. Polycarpi, episcopi et martyris

Memoria

 

Deus universae creaturae, qui beatum Polycarpum episcopum in numero martyrum dignatus es aggregare, eius nobis intercessione concede, ut, cum illo partem calicis Christi capientes, in vitam resurgamus aeternam. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

 

Polycarpus, discipulus Apostolorum et episcopus Smyrnensis, hospes Ignatii Antiocheni, Romam profectus est ad quaestionem de festo Paschatis cum Anceto papa tractandam. Martyrium subiit circa annum 155, in stadio civitatis igne crematus.

Martyrium S. Polycarpi Smyrnae die 23 februarii (155) testatur Epistula Ecclesiae Smyrnensis (XXI).Eadem die ascribitur in Breviario syriaco saec. IV eiusque natale celebratur a Byzantinis et Coptis. Festum S. Polycarpi Romae receptum est saeculo XII, sed eius celebrationi assignata est dies 26 ianuarii, in qua fit memoria depositionis S. Polycarpi Nicaeni.

 

Читайте также:

Добавить комментарий

Ваш e-mail не будет опубликован. Обязательные поля помечены *