S. Laurentii de Brindisi, presbyteri et Ecclesiae doctoris

 Die 21 iulii

S. Laurentii de Brindisi,
presbyteri et Ecclesiae doctoris

Deus, qui pro nominis tui gloria et animarum salute beato Laurentio presbytero spiritum consilii et fortitudinis contulisti, da nobis, in eodem spiritu, et agenda cognoscere, et cognita, eius intercessione, perficere. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Natus est anno 1559; inter Fratres Capuccinos adscriptus, sodales theologiam docuit et muneribus auctus est. Ut praedicator assiduus et efficax Europam perlustravit; multa etiam conscripsit opera ad fidem illustrandam. Mortuus est Ulisippone (Lisboa), in Lusitania, die 22 iulii 1619.

Canonizatus est anno 1881, eiusque festum ascriptum est in Calendario romano anno 1959, die 21 iulii celebrandum.