S. Ioseph, Sponsi Beatae Mariae Virginis
Die 19 martii
S. IOSEPH,
SPONSI BEATAE MARIAE VIRGINIS
Sollemnitas
Praesta, quaesumus, omnipotens Deus, ut humanae salutis mysteria, cuius primordia beati ioseph fideli custodiae commisisti, Ecclesia tua, ipso intercedente, iugiter servet implenda. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
S. Ioseph recolitur die 19 martii in pluribus Calendariis occidentalibus a saeculo X. Eius festum receptum est Romae eadem die celebrandum, anno 1479 et deinde, anno 1621, transiit in Calendarium romanum universum.
