S. Ioannis I, papae et martyris
Die 18 maii
S. Ioannis I, papae et martyris
Deus, fidelium remunerator animarum, qui hunc diem beati Ioannis papae martyrio consecrasti, exaudi preces populi tui, et praesta, ut, qui eius merita veneramur, fidei constantiam imitemur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus in Tuscia, episcopus Ecclesiae Romanae electus est anno 523. Constantinopolim ad imperatorem Iustinum se contulit, legatus regis Theodorici; inde reversus et captus a rege, qui de exitu legationis indignabatur, in carcerem detrusus est Ravennae, ibique mortuus est die 18 maii 526.
Saeculo XII festum S. Ioannis ascriptum est in Calendario romano, die 27 maii celebrandum, qua die eius depositio in basilica vaticana recensetur.
