Ss. Cornelii, papae, et Cypriani, episcopi, martyrum

 Die 16 septembris

Ss. Cornelii, papae, et Cypriani, episcopi,
martyrum

Memoria

 

Deus, qui populo tuo beatos Cornelium et Cyprianum sedulos pastores et invictos martyres praestitisti, concede, ut, eorum intercessione, fide et constantia roboremur, et pro Ecclesiae unitate operam tribuamus impense. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

 

Cyprianus natus est Carthagine circiter annum 210 ex familia ethnica. Ad fidem conversus et sacerdotio initiatus, episcopus civitatis ordinatus est anno 249. Temporibus calamitosis Ecclesiam optime rexit operibus et scriptis. In persecutione Valeriani prius exsilio mulctatus, deinde anno 258 die 14 mensis septembris, securi percussus, martyr occubuit, qua de re narratur in Passione S. Cypriani. Hoc confirmatDepositio Martyrum (354), quae testatur cultum S. Cypriani Romae iam medio saeculo IV exstitisse.

Cornelius ordinatus est episcopus Ecclesiae Romanae anno 251; contra schismaticos Novatianos pugnavit et a Cypriano adiutus auctoritatem suam potuit confirmare. Ab imperatore Gallo in exsilium pulsus, apud Centumcellas (Civitavecchia) mortuus est mense iunio anni 253. Eius corpus, Romam translatum, in coemeterio Callisti sepultum est. Iam medio saeculo IV eius memoria consociata apparet cum memoria S. Cypriani. Libri autem liturgici romani unum tantum formularium semper pro duobus sanctis praebuerunt.

Festum Ss. Cornelii et Cypriani a Gregorio IX (1370-1378) ad diem 16 septembris translatum est, ob Exaltationem sanctae Crucis (die 14 sept.) et octavam Nativitatis B. Mariae Virginis (die 15 sept.).

 

Читайте также:

Добавить комментарий

Ваш e-mail не будет опубликован. Обязательные поля помечены *