Ss. Cyrilli, monachi, et Methodii, episcopi
Die 14 februarii
Ss. Cyrilli, monachi, et Methodii, episcopi
Memoria
In Europa:
Ss. Cyrilli, monachi, et Methodii, episcopi,
patronorum Europae
Festum
Deus, qui per beatos fratres Cyrillum et Methodium Slavoniae gentes illuminasti, da cordibus nostris tuae doctrinae verba percipere, nosque perfice populum in vera fide et recta confessione concordem. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Thessalonicae natus, Cyrillus optime eruditus est Constantinopoli. Cum fratre Methodio in Moraviam se contulit ad fidem praedicandam. Textus liturgicos ambo paraverunt lingua slavica, typis «cyrillicis» postea sic dictis conscriptos. Romam cum essent vocati, ibi Cyrillus mortuus est die 14 februarii anno 869, Methodius vero episcopus creatus, qui deinde in Pannoniam se contulit, quam indefesse evangelizavit. Multa perpessus est ab invidis, sed a Pontificibus Romanis adiutus est. Mortem obiit die 6 aprilis anno 885 Velahradii.
Eorum festum ascriptum est in Calendario Romano anno 1880, die 5 iulii, infra octavam Ss. Petri et Pauli, celebrandum; sed iam anno 1897, inducto eodem die festo S. Antonii Mariae Zaccaria, in diem 7 translatum est
