S. Barnabae, apostoli
Die 11 iunii
S. Barnabae, apostoli
Memoria
Deus, qui beatum Barnabam, plenum fide et Spiritu Sancto, ad gentium conversionem segregare praecepisti, concede, ut Evangelium Christi, quod strenue praedicavit, ore et opere fideliter nuntietur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
In insula Cypro natus, inter primos fideles Ierusalem est annumeratus. Antiochiae Evangelium praedicavit et, apostolo Paulo adhaerens, in primo itinere eum comitatus est; Concilio Hierosolymitano interfuit. In patriam reversus, Evangelium diffudit, ibique mortuus est.
Festum S. Barnabae die 11 iunii celebratur in ritibus byzantino et syro. Receptum est Romae saeculo XI.
