S. Stanislai, episcopi et martyris
Die 11 aprilis
S. Stanislai, episcopi et martyris
Memoria
Deus, pro cuius honore beatus Stanislaus gladiis persecutorum occubuit, praesta, quaesumus, ut fortes in fide usque ad mortem perseverare valeamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Natus in oppido Szczepanów, in Polonia, circa annum 1036, Leodio (Liège) studiis incubuit. Presbyter factus, Lamberto episcopo Cracoviensi successit anno 1072. Ut bonus pastor Ecclesiam rexit, pauperes adiuvit, clericos quotannis invisit. A rege Boleslao, quem increpaverat, occisus fuit anno 1079.
S. Stanislaus martyr occubuit Cracoviae die 11 aprilis 1079, uti refert obituarium Capituli cracoviensis. Canonizatus est anno 1253, eiusque festum ascriptum est in Calendario romano anno 1594, die 7 maii celebrandum.
