S. Scholasticae, virginis
Die 10 februarii
S. Scholasticae, virginis
Memoria
Beatae Scholasticae virginis memoriam recolentes, quaesumus, Domine, ut, eius exemplo, tibi intemerata caritate serviamus, et felices obtineamus tuae dilectionis effectus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Soror sancti Benedicti, nata est Nursiae in Umbria, circa annum 480. Una cum fratre Deo se devovit eumque secuta est Casinum, ubi mortua est circa annum 547.
Depositio S. Scholasticae in Monte Casino, anno fere 547, recolitur die 10 februarii in Calendario marmoreo neapolitano (saec. IX) et in Martyrologio Usuardi (circa an. 870). Eius festum celebratur Romae a saeculo XII.
