S. Franciscae Romanae, religiosae
Die 9 martii
S. Franciscae Romanae, religiosae
Deus, qui nobis in beata Francisca singulare dedisti coniugalis et monasticae conversationis exemplar, fac nos tibi perseveranter deservire, ut in omnibus vitae adiunctis te conspicere et sequi valeamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.
Romae nata est anno 1384; adhuc iuvenis matrimonio copulata, tres peperit filios. Temporibus calamitosis vivens, bona pauperibus distribuit, aegrotis ministravit; mirabilis fuit in vita actuosa erga egenos et in virtutibus colendis, praesertim humilitate et patientia. Anno 1425 Congregationem instituit Oblatarum sub regula S. Benedicti.
S. Francisca obiit Romae die 9 martii 1440. Canonizata est anno 1608, eiusque festum eodem anno in Calendario romano ascriptum est.
