In Epiphania Domini

Die 6 ianuarii

IN EPIPHANIA DOMINI

Sollemnitas

 Ad Missam in Vigilia:

Corda nostra, quesumus, Domine, tuae maiestatis splendor illustret, quo mundi huius tenebras transire valeamus. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

 Ad Missam in die:

Deus, qui hodierna die Unigenitum tuum gentibus stella duce revelasti,concede propitius, ut qui iam te ex fide cognovimus, usque ad contemplandam specie tuae celsitudinis perducamur. Per Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia saecula saeculorum.

Epiphaniae sollemnitas est orientalis origine, sine dubio alexandrina. Romae celebratur ab altera medietate saeculi IV.

«Tribus miraculis ornatum diem sanctum colimus: hodie stella magos duxit ad praesepium; hodie vinum ex aqua factum est ad nuptias; hodie in Iordane a Ioanne Christus baptizari voluit, ut salvaret nos, alleluia» (LH, ant. ad Magnificat II Vesperarum Sollemnitatis Epiphaniae)